Dis Wohlbefinde isch mini oberschti Priorität
HÄRZLECH WIUKOMME BI SEELAEFRIEDE
- Amene Ort, wo Entspannig u Läbesqualität wieder cha entstah -
Entdeck, mit was für einfache Mittu i dir inne ä Entspannig u Rueh cha entstah. Insbesondere ir gägäwärtige Zyt fingsch schnäu wieder zu dir, zu dire innere Sterchi, zu dim Seelaefriede - Tom Rolli
Verweile nicht in der Vergangenheit, träume nicht von der Zukunft.
Konzentriere dich auf den gegenwärtigen Moment
- Buddha -
Über mi
Ir hütige Zyt, mitsamt aune Herusforderige, Aforderige u Hürde im Autag, bi aune Sache wo um üs ume gscheh, liide immer meh Mönsche ungr Stress-Symptom u finge ke Wäg u ke Zyt meh, säch säuber am Nöchschte zsi u säch z'entspanne.
O ig säuber ha das retrospektiv uf physischer, seelischer u psychischer Äbäni leider viu z'usgeprägt u schmärzhaft müesse erfahre u erspüre.
Die Vergangeheit het mi drzue bewoge, mi usfüehrlech i dä Beriichä vo körpereigene Entspannigstechnike u -Wägä la uszbilde und mi o i dä Beriichä für seelischi, geischtigi u körperlächi Arbeite witrzbilde. Ganz zersch zu mire eigete Vergangeheitsbewältigung und itz i derä Form, um o angerne Mönsche, im Wüsse um die enormi Wichtigkeit u Notwändigkeit, ä grossi Hilf u Stützi chönne z'si.
Mönsche mit au ihrne Facetten u Bedürfniss bestimme sit je här mis Läbä u mini Inträsse. Ig begägne dä Mönsche mit mire gröschte Ufmerksamkeit u mitemene offne u lächelndem Härzä.
Gärn schänke dir mis wärtvouschte Guet - mini Zyt.
Tom Rolli
Sternzeichen: Löwe
Aszendent: Waage
Sprache: Bärndütsch, Dütsch, Änglisch, Französisch, Italiänisch
Über Seelaefriede
Wis dr Name scho so schön seit, isch dr Seelaefriede erlange für vieli Lüt ds Läbensziu oder d'Motivation, öppis i die Richtig z'ungrnä - äbaso für mi. Wüu ig die richtige u wichtige Wärchzüg drzue ha dörfe erfahre u erlerne, ischmr ds glunge! Wüu dä Begriff so quasi nomen est omen isch, schteit o mis Abebot ungr däm Name.
Du fingsch Seelaefriede ganz zentrau ds Bärn, mitm 6i-Tram Richtig Fischermätteli 5 Minute vom BH awägg. Bir Hautschteu "Brunnhof"schtigsch us, nach 5 Minute bisch acho. Ds Fuess bisch i öppe 15 Minute vom Bahnhof bi mir ar Konsumstrass 16b. Faus mitm Outo chunnsch, es het ganz viu Gratisparkplätz grad vor dr Türe im Hof.
Igrichtet bini näbscht amene schöne Igangsberiich mitemne gmüetleche Kafi- u Warteruum, are subere u grosse Duschi u natürlech mitm Härzstück, mim Behandligs-Oäseli.
kontaktier mi ungr
Seelaefriede
Tom Rolli
p/A ACEK
Konsumstrasse 16b
3007 Bern
+41797723085 - für WhatsApp, Threema u Telegram
